Tani merr fund edhe zyrtarisht: Emiliano Sala është ndarë nga jeta dhe trupi i tij është ai i zbuluar në avionin e mbytur në Kanalin anglez.
Policia e Dorset në Angli ka konfirmuar se trupi i nxjerrë ditën e mërkurë nga avioni i mbytur është ai i sulmuesit argjentinas, i cili po udhëtonte për në Kardif, për t’u bashkuar me ekipin e tij të ri, pas transferimit për shifër rekord nga Nantes.
Pas zhdukjes së avionit muajin e shkuar u zhvilluan kërkime pa fund, por vetëm ditët e fundit u zbulua vendndodhja e avionit të vogël, i rrëzuar në rrethana ende misterioze.
Futbollisti 28-vjeçar është ndarë nga jeta në mënyrë tragjike dhe të pabesueshme, sepse ende nuk kuptohet si u lejua të udhëtonte me një avion aq të vogël. Ndërkaq, nuk është gjendur ende piloti i avionit.
