Katër minuta i kanë mjaftuar Manchester City-t për të gjetur golin e avantazhit kundër Chelsea-t me Raheem Sterling, i cili ka përfituar nga një rrëmujë e krijuar në zonën e rreptësisë.
Në minutën e tetë, City ka patur mundësinë të dyfishojë, por Aguero ka dërguar topin jashtë me portën e boshatisur, duke shkaktuar dëshpërimin e Pep Guardiola.
Gjithsesi, argjentinasi e ka shlyer gabimin e tij me dy gola të shënuar në minutat 13-të dhe 19-të. I pari ka qenë i mrekullueshëm, i dyti një dhuratë e Ross Barkley. Në minutën e 25-të ka ardhur edhe goli i katërt i vendasve i shënuar nga Gundogan.
