Mesfushori italian Marco Verratti është pranë rinovimit të kontratës me ekipin e PSG-së. Falë kontratës së re, e cila do të skadojë në vitin 2024, fantazisti i kombëtares “azzurre” pritet të përfitojë 10 milionë euro në sezon.
26-vjeçari luan me PSG-në që prej vitit 2012, por kohët e fundit ishte përfolur për një interesim të skuadrës së Manchester United. Për të evituar çdo thashethem, skuadra pariziene është gati t’i ofrojë një rrogë të majme Verratti-t, që pritet përfitojë 208 mijë euro në javë.
Fantazisti është një nga futbollistët kyç të ekipit të PSG-së, ndaj klubi kërkon ta mbajë talentin edhe për 5 vitet e tjera. Në 171 ndeshje me skuadrën e Paris Saint Germani ai ka realizuar 8 gola, duke u shpallur 5 herë kampion në League 1.