Zlatan Ibrahimovic ka dhënë një intervistë për rrjetin e transmetimit italian, “DAZN” ku preku të gjitha temat e nxehta në futboll.
Champions League – “Këtë vit është shumë e hapur. Asnjëri ekip nuk është më lartë se ekipet e tjera, kështu që çdo skuadër mund të shkojë në finale dhe ta fitojë atë. Shpresoj që një nga ish-klubet e mia ta fitojë atë: PSG, Manchester United, Juventus, Barcelona, Inter u eliminua dhe Milani nuk shty aty, kështu që kam katër skuadra akoma aty”.
Luka Modric: “Mendoj se është një nga mesfushorët më të kompletuar në botë. Ai pason në mënyrë fantastike dhe ka vizion për lojën, kontrollin e topit e ka të mrekullueshëm. Kam luajtur kundër tij në moshë të re dhe jam i lumtur që ai i fitoi të gjitha këto çmime sepse nuk ndodh që një lojtar si ai të fitojë.
Zakonisht është një sulmues dhe për shumë njerëz ishte një Wow. Viti i shkuar ishte viti i tij dhe e meritoi. Mamaja ime është nga Kroacia, ai është nga Kroacia, jam i lumtur për të, është pjesë e gjakut.
Më tej Ibra tha se ndihet i lumtur për karrierën e tij sepse ka luajtur përballë ekipeve dhe mbrojtësve më të fortë në botë dhe i ka kaluar të gjithë. Teksa këtë sezon me LA Galaxy beson se do të sjellin diçka të madhe.