Laureat Blanc ka dalë si kandidati kryesor për të zëvendësuar Maurizio Sarri-n nëse trajneri i Chelsea-t shkarkohet.
Ish-trajneri i Paris Saint-Germain është në krye të listës, sipas The Evening Standard.
Gazetat kanë raportuar se francezi do të preferonte vendin e punës në mënyrë permanente. Mendohet se ai ka qenë spektator në disa ndeshje të Chelsea-t gjatë viteve të fundit.
Sportsmail raportoi të martën se Sarri do të ketë një mision të pamundur për të shpëtuar vendin e punës.
Blanc është shfaqur si një kandidat serioz edhe pasi u shkarkua Antonio Conte gjatë verës së kaluar, si dhe një ndër favoritët për të zëvendësuar Jose Mourinho-n në dhjetor tek United.
52-vjeçari ka fituar 11 trofe gjatë tre viteve si trajneri i PSG. Zinedine Zidane dhe Gianfranco Zola gjithashtu janë favoritë për stolin e Stamford Bridge.