Pas fitores 2-0 në Champions League kundër skuadrës së Massimiliano Allegri në Wanda Metropolitano, fitorja e Atletico Madrid nuk duhet të jetë kapërdirë ende nga disa tifozë të Juventus.
Tonet janë acaruar shumë, sidomos në Instagram, aty ku shumë tifozë të klubit bardhezi kanë sulmuar profilin zyrtar të trajnerit të skuadrës spanjolle, Diego Pablo Simeone, duke u ndalur veçanërisht në postin që Cholo i jepte mirëseardhjen vajzës së tij të porsalindur, Valentina, në një foto të 11 nëntorit, kur shfaqet trajneri me bebin e porsa lindur.
Komente, ofendime, akuza e kërcënime të turpshme, për të mbërritur deri tek ata që e kanë mallkuar e madje duke i uruar edhe vdekjen e trashëgimtares më të fundit të familjes së Diego Pablo Simeone. Një sjellje e tmerrshme që nuk ka aspak të bëjë me tifozët dhe me futbollin, përtej jetës civile e sociale.
