Europa League mbylli ditën e djeshme fazën e 1/16-ave, ndërsa sot në orën 13:00 do të hidhet shorti për ekipet e kualifikuara, nga ku do të përcaktohen çiftet e 1/8-ave.
Shorti është i hapur, dhe çdo ekip mund të shortohet kundër çdo ekipi, pa pasur dallime për skuadra të të njëjtit shtet.
Ekipet e kualifikuara janë: Sevilla, Arsenal, Dinamo Zagreb, Eintracht Frankfurt, Napoli, Salzburg, Valencia, Villarreal, Zenit, Inter, Chelsea, Slavia Prague, Dynamo Kiev, Rennes, Benfica dhe Krasnodar.
Ndeshjet e 1/8-ave do të luhen më 7 dhe 14 mars. Më pas, çerekfinalet do të luhen më 11 dhe 18 prill.
Më 2 dhe 9 maj do të luhen gjysmëfinalet, ndërsa finalja e madhe do të zhvillohet të mërkurën e 29 majit në “Olympic Stadium” të kryeqytetit të Azerbajxhanit, Baku.
