Dorados de Sinaloa është zhytur në fund të tabelës në kampionatin meksikan të futbollit dhe duket se trajneri Diego Armando Maradona do e ketë të vështirë ta mbajë skuadrën në elitën e futbollit në Meksikë.
Në ndeshjen e kësaj fundjave Dorados barazoi 2-2 në fushën e Cafetaleros de Tapachula, edhe pse ishin në avantazhin e dy golave.
Fillimisht shënuan në minutën e 33’-të, ndërsa pas 5 minutash ishte Escoboza që shënoi një “perlë” të vërtetë. Një roveshiatë nga jashtë zone, me topin që po vinte pingul mbi kokën e tij, ia doli ta kthejë fort e saktë për të tundur rrjetën.