Granit Xhaka po kalon një periudhë shumë të vështirë te Arsenali kohët e fundit, për shkak të problemeve që ka me tifozët.
Për shkak të ngjarjeve të ndodhura në ndeshjen me Kristal Palasin, mesfushori ka marrë edhe më shumë kritika nga tifozët. Lojtarit i është hequr tashmë edhe shiriti i kapitenit, teksa thuhet se një largim i tij në merkaton e janarit, është i pashmangshëm.
Xhaka është rikthyer të flasë për situatën aktuale të tij, teksa në një internistë të dhënë së fundmi është shprehur: “Duhet të jeni të sigurt unë po vazhdoj të jap më të mirën në stërvitje. Çdo gjë po shkon mirë përsëri, jam stërvitur mirë këtë javë, dhe mezi po pres detyrat e mia të ardhshme. Tifozët gjithmonë kanë qenë pjesë e jetës sime futbollistike.
Gjithmonë kam pasur shumë respekt për tifozët, për entuziazmin e tyre dhe vështirësitë që ata durojnë për të mbështetur lojtarët. Kritikat e tyre kur janë të drejta, iu bëjnë të rriteni si lojtar. Fuqia dhe energjia që ata të japin gjatë ndeshjes, e bëjnë çdo futbollist të dashurohet edhe më shumë me këtë sport.”, u shpreh Xhaka.
