Juventus është duke përgatitur ofertën për yllin e Manchester City-t Riyad Mahrez.
Mesfushori anësor ka nisur vetëm 11 ndeshje si titullar këtë sezon pas transferimit 70 mln euro nga Leicester City korrikun e kaluar.
Algjeriani Mahrez ka ndihmuar skuadrën e Pep Guardiola-s të fitojë Carabao Cup dhe është në garë për të gjithë trofetë e tjerë.
Herën e fundit që ai ka luajtur 90 minuta të plota ka qenë në javën e parë të dhjetorit në fitoren 2-1 ndaj Watford.
Guardiola madje është detyruar t’i kërkojë falje lojtarit për shkak se e ka aktivizuar kaq pak: “Ai është një lojtar me të cilin jemi shumë të kënaqur, por nuk mund t’i jap minutat që ai meriton. Kërkoj falje.”
Kampionët e Serie A donin Mahrez që dy vite më parë, kur ai ishte akoma te Leicester.
Raportet nga Italia sugjerojnë se Juve do të mundohet përsëri të marrë shërbimet e Mahrez.
Thuhet se klubi italian ka në plan të ofrojë Douglas Costa si pjesë shkëmbimi.
