Ardhja e sulmuesit spanjoll Alvaro Morata te skuadra e Atletico Madrid ka rikthyer buzëqeshjen te trajneri Diego Simeone. Ai e konsideron sulmuesin si një forcë të madhe të skuadrës “colchoneros”. Sipas të përditshmes spanjolle “Marca”, Simeone e ka karikuar shumë sulmuesin, duke i thënë fjalë të mira.
“Alvaro, varemi nga ty”, është një nga frazat që trajneri argjentinas përsërit më së shumti gjatë stërvitjes. Duket se Simeone i beson shumë sulmuesit që erdhi në merkaton e janarit nga Chelsea, që i ka dhënë më shumë alternativa në sulm skuadrës së Atletico.
Trajneri argjentinas kërkon të përfshijë sa më shumë Morata te skuadra “colchoneros”, që është në garë si për titullin kampion në La Liga ashtu dhe në Champions League. Këto fjalë duket se i kanë dhënë më shumë besim Alvaro Morata, që është gati t’ia shpërblejë besimin trajnerit me gola.
