Ylli i Manchester United, Paul Pogba do të mbajë hapur mundësinë e rikthimit te Juventus, të paktën sipas asaj që raporton “Tuttosport”, me fatin e të ardhmes së mesfushorit francez të “Djajve të Kuq” që do të përcaktohet nga kualifikimi për në Champions League.
Nëse ekipi i udhëhequr nga trajneri norvegjez, Ole Gunnar Solskjaer do të arrijë të hipotekojë një biletë për në elitën e Europës për sezonin e ardhshëm 2019-20, atëherë fituesi i Kupës së Botës në “Rusi 2018”, do të qëndrojë te Manchester United. Në të kundërt, atëherë francezi do të vlerësojë të gjitha opsionet e mundshme.
