Trajneri i Kastriotit, Bledar Devolli, është shprehur i kënaqur për pikën e marrë në fushën e Flamurtarit pasditen e sotme.
“Jo çdo ekip e ka të lehtë të luajë në fushën e Flamurtarit, që ka një trajner të madh në stol, ndoshta më i miri i kampionatit shqiptar. E dinim se kishim një mal për të ngjitur dhe e nisëm keq, duke pësuar gol”, ka thënë Devolli.
“Megjithatë, më pëlqeu dëshira e ekipit për të reaguar. Këta djem dinë të luajnë futboll, e treguan edhe në pjesën e dytë. Me pak fat mund ta kishim fituar ndeshjen. Jam i kënaqur, sepse kemi marrë një pikë me shumë vlera ndaj një rivali shumë të vështirë”.
