Pas vendimit të Komisionit të Disiplinës, për përjashtimin nga Kategoria Superiore të skuadrës së Kamzës dhe zbritjen në Kategorinë e Dytë, duke filluar nga sezoni 2019-2020, klubet kanë filluar të bëjnë llogaritë për sfidat e mbetura në Superiore si dhe për përballjet e Kupës së Shqipërisë.
Si pasoj e këtij vendimi, Skënderbeu kualifikohet në raundin gjysmëfinal të Kupës. Kundërshtari i korçarëve në çerekfinale ishte pikërisht Kamza, ndaj kampionët e Shqipërisë kanë përfituar duke siguruar kualifikimin pa luajtur fare.
Skuadra e Orges Shehit, do të presë fituesin e çiftit Partizani-Luftëtari, për të mësuar kundërshtarin që do të përballet në gjysmëfinale.
