Trajneri i Manchester Unitedit, Jose Mourinho e dëshiron dhe një mbrojtës gjatë këtij afati kalimtar
Manchester United tashmë ka siguruar shërbimet e Alexis Sanchez, por ai nuk pritet të jetë blerja e vetme gjatë këtij muaji.
Sipas Manchester Evening News, portugezi në skuadër e dëshiron mbrojtësin e majtë të Juventusit, Alex Sandro.
Braziliani është edhe prioriteti kryesor i Unitedit për krahun e majtë.
Në listën e skuadrës angleze janë edhe mbrojtësi i majtë i Tottenhamit, Danny Rose dhe ai i Celtic, Kieren Tierney.
