Milan dhe Fiorentina po punojnë për të përforcuar skuadrat e tyre për kampionatin e ardhshëm dhe duket se mes dy klubeve mund të realizohet një shkëmbim i bujshëm i dyfishtë.
Sipas Sportmediaset, Milan-i është futur në garë për Federico Chiesa-n. Klubi kuqezi duket se ka gati një strategji të veçantë për të marrë në Milanello talentin italian.
Ideja duket se është ajo e një shkëmbimi të dyfishtë me klubin vjollcë, me Chiesa-n dhe Milenkovic-in në drejtim të Milanos dhe Rafael Leao me Paqueta në drejtimin e kundërt.
Aktualisht duket se operacioni është vetëm në hapat e parë, por nuk përjashtohen surprizat në orët e ardhshme.
