Pas ndryshimeve që ndodhën dje në listën e Kombëtares, stafi teknik mendoi të grumbullonte mesfushorin Keidi Bare si dhe sulmuesin Rei Manaj.
Të dy këta futbollistë aktivizohen në ligën e dytë spanjolle. Mësohet se klubi i Malagës dhe ai i Albacetes, i refuzuan ftesën Shqipërisë, duke mos lejuar që futbollistët t’i bashkohen Kombëtares së Panuccit.
Në bazë të rregullores së FIFA-s, klubet duhet të njoftoheshin 14 ditë para dhe si pasojë kanë refuzuar ftesat e dërguara në minutat e fundit.
Në ligën e dytë spanjolle vazhdon kampionati edhe në periudhën e kombëtarëve.
Si Bare ashtu dhe Manaj janë të rëndësishëm në klubet e tyre, duke u aktivizuar në shumicën e ndeshjeve si titullarë.
