Joao Cancelo ka folur nga grumbullimi me Portugalinë për eksperiencën e tij tek Juventus, marrëdhënien me Cristiano Ronaldo-n dhe gjendjen e mbrojtjes bardhezi.
“Cristiano nuk duhet t’i provojë asgjë askujt, ai ka shkruar historinë me kombëtaren dhe me klubet ku ka luajtur. Nuk ka asnjë dyshim që prania e tij ka rritur cilësinë e skuadrës”, ka thënë mbrojtësi juventin.
“Fitorja kundër Atletico Madrid? Ronaldo na ndihmoi të kualifikoheshim, por gjithë skuadra luajti mirë. Të gjithë ata që kanë parë ndeshjen e dinë se ne e merituam fitoren”.
“Çdo ditë që kaloj tek Juventus mësoj më shumë. Tani po stërvitem me dy mbrojtësit më të mirë në botë, Bonucci dhe Chiellini. Niveli është shumë i lartë në Itali dhe unë ndihem më i fortë se një ose dy vite më parë”, ka përfunduar Cancelo.
