Verën e vitit të kaluar, Arsenali nënshkroi me Willian Borges, i cili refuzoi rinovimin me Chelsean për të kaluar me paramtra zero në “Emirates”. Kalimi i sulmuesit tek Arsenal bëri shumë bujë, pasi pritej shumë nga ai, por impakti që pritej nuk erdhi.
Willian rezultoi një dështim i madh dhe kur ka kaluar vetëm 1 vit, braziliani ka kërkuar largimin.
Sipas mediave angleze, 32-vjeçari ka një ofertë nga MLS dhe i ka kërkuar drejtuesve të Arsenalit largimin.
Ende nuk bëhet me dije klubi i MLS që ka interes për Willian, por braziliani nga ana e tij duket i bindur.
Karriera e tij në Europë duket se po shkon drejt fundit dhe tani ai dëshiron një aventurë të re në SHBA-në e largët.