Chelsea po mundohet në të gjitha mënyrat që të bindë Callum Hudson-Odoi të qëndrojë në “Stamford Bridge”.
Sulmuesi i talentuar 18-vjeçar është vënë në shënjestrën e shumë klubeve të mëdha të Europës dhe “Blutë”, sipas “Evening Standard”, janë gati t’i ofrojnë 100 mijë sterlina në javë, 6 milionë euro në vit.
Një shifër marramendëse që tregon besimin e madh që klubi londinez ka te lojtari, i cili ka realizuar 5 gola dhe ka dhënë 4 asiste në 19 ndeshjet e luajtura në këtë sezon me Chelsea-n.
