Shqipëria vendi i çudirave? Tashmë jo më.
Një rast i veçantë vjen nga Turqia dhe më saktë nga futbolli i këtij vendi.
Bëhet fjalë për një faljen e “futbollistit-kasap”, Mansur Calar i cili është gati të vesh sërish këpucët me taka.
Mesfushori i cili ishte pezulluar përjetë nga Komisioni i Disiplinës pranë TFF për shkak të sulmit me brisk ndaj futbollistëve kundërshtarë është falur nga Bordi i Arbitrazhit në TFF.
Për të shlyer dënimin, 33 vjeçari turk i Amed SK do të paguajë rreth 4.400 dollarë, ndërkohë që dënohet me 20 ndeshje pezullim. Ai u bë protagonist negativ në takimin mes Amed Sk dhe Sakaryaspor, ku preu me brisk 4 futbollistë kundërshtarë.
Një vendim skandaloz ky nga Federata Turke e Futbollit, që rikthen sërish në gjirin e saj një nga futbollistët që bëri bujë me veprimin e tij aspak sportiv.
