Tirana u ndal nga Laçi vetëm pas një goli në minutën e 99-të, teksa ishin akorduar 6 minuta shtesë nga arbitri i katërt, ndërkohë që në fund të takimit, pati edhe polemika.
Zyrtarë dhe lojtarë të Tiranës, kërkonin llogari tek kryesori Kridens Meta, se pse e lejoi aq shumë lojën, gjë që solli edhe barazimin e Laçit.
Ndërkohë, teksa lojtarët po i drejtoheshin dhomave të zhveshjeve, raportohet edhe për një sherr masiv, me lojtarët bardheblu që ishin tepër të tensionuar pas pësimit të golit, mbi shtesën e akorduar nga arbitri sipas tyre. Siç mësohet, nga këto përplasje është goditur edhe sulmuesi i Tiranës, Majkëll Ngo. “Panorama Sport” ka arritur të sigurojë një video ekskluzive nga momenti i përplasjes në tunel. Për më tepër ndiqni pamjet e mëposhtme:
