Sulmuesi i Inter Milan, Lautaro Martinez ka deklaruar se bashkëkombasi i tij, Mauro Icardi ka qenë thelbësor në suksesin që argjentinasi i ri po përjeton te klubi zikaltër.
Martinez nga ana tjetër ka qenë shumë i rëndësishëm dhe vendimtar te Inter në mungesë të ish-kapitenit Icardi, që nuk luajti për zikaltërit për plot 53 ditë, për shkak të krizës në marrëdhënien me drejtuesit.
“Mauro ka qenë shumë i rëndësishëm sepse më ka ndihmuar shumë dhe do t’i jem gjithmonë mirënjohës. Ai është një mik që më ka ndihmuar. Unë kombinoj dhe merem vesh shumë mirë me atë si në fushë edhe jashtë saj”, u shpreh Lautaro Martinez.
“Me Icardin pamë ndeshjet e Racing dhe na pëlqeu mënyra se si luan. Mauro është shumë i rëndësishëm, të tjerat duhen zgjidhur nga ai”, deklaroi sulmuesi i ri zikaltër, Martinez për “Club Octubre 947”.
