Guido Icardi, vëllai i Mauro-s, ka dashur t’i kthejë përgjigje me një mesazh në Instagram kërcënimit të Wanda Nara-s ndaj motrës së tij, Ivana Icardi-t, e cila rrezikon të përfundojë në gjyq nëse përmend përsëri në të ardhmen emrin e Wanda-s dhe të familjes së saj.
“Varfëria më e madhe e një njeriu është të tregojë egon e tij, të tregojë personalitetin e shtirur dhe të besojë se është më lart se të tjerët”, ka shkruar vëllai i sulmuesit të Inter-it, që e ka shoqëruar mesazhin me një duartrokitje ironike.
“Nuk arrij të flas me vëllanë tim nga 2014-ta, nga momenti që është martuar. Nuk kam asnjë marrëdhënie me të. Mendoj se gruaja e tij e manipulon dhe e largon nga familja”.
Të njëjtat fjalë që janë thënë nga motra Ivana, e cila ndodhet aktualisht në shtëpinë e “Grande Fratello-s”.
