Sokol Cikalleshi rikthehet i rëndësishëm për ekipin e tij. Akhisarspori po luan gjysmëfinalen e dytë ndaj Umraniyesporit në shtëpi dhe kryeson 1-0 falë golit të sulmuesit shqiptar.
Futbollisti i kombëtares tonë kaloi skuadrën e tij në avantazh në minutën e 36′. Gjuajtje nga jashtë zonte, topi kalon mbrojtjen dhe përfundon në këmbët e kavajasit. Shtatlarti tregohet i qetë para portierit dhe e dërgon në rrjetë për 1-0.
Ndeshja e parë e luajtur në transfertë ka përfunduar 0-1 për ekipin e shqiptarit, ndërsa me këtë gol thuajse e ka të sigurt finalen. Ekipi mik duhet të shënojë 3 gola për t’u kualifikuar në pjesën e dytë. Mision thuajse i pamundur!
Situata e Akhisarsporit është e çuditshme, pasi ekipi turk mban vendin e fundit në Superligën e Turqisë dhe është thuajse e rënë nga elita e futbollit turk, ndërsa nga krahu tjetër synon fitimin e Kupës. Një situatë të ngjashme ka përjetuar ekipi i Tiranës kur ra nga Kategoria, por fitoi Kupën e Shqipërisë.
Akhisarspor 1-0 Ümraniyespor
36' Sokol Çikalleshi pic.twitter.com/XtVV5mGjuF
— Fotomaç TV (@Fotomac_TV) April 24, 2019
