Ka pasur një këmbim batutash argëtues në përfundim të Milan-Lazio. Pasi është paraqitur para mikrofonave të “SkySport”, Gennaro Gattuso, trajneri i Milan, i është përgjigjur pyetjeve të Ilaria D’Amico, drejtuesja e emisionit dhe partnerja e Gigi Buffon, i cili ka mbushur këtë të diel 40 vjeç, dhe i ka bërë asaj një kërkesë të veçantë:
“Jepi një puthje me gjuhë Gigi-t nga ana ime”. Në konferencën për shtyp të zhvilluar të shtunën, trajneri i Milan nuk ka dashur ta urojë portierin bardhezi, ish-shoku i tij te kombëtarja e Italisë, duke shpjeguar se në zonat e Jugut të Italisë konsiderohet fat i keq për personin që ka ditëlindjes nëse urohet përpara.
