Duket se rrugët e Atletiko Madridit dhe Diego Godinit do të ndahen në fundin e këtij sezoni. 33-vjeçari nuk ka preferuar të rinovojë dhe në 12 maj ai pritet të zyrtarizojë edhe largimin, duke lajmëruar njëkohësisht edhe skuadrën e re.
“Marca” zbulon se qendërmbrojtësi do të luajë ndaj Seviljas takimin e tij të fundit. Mediat kanë zbuluar se ai ka firmosur me Interin një kontratë 2-vjeçare me opsionin për rinovim edhe për një vit tjetër. Uruguajani do të përfitojë 5.5 milionë euro në sezon. Me Atletikon ai numëron plot 9 sezone dhe 380 paraqitje.
