West Ham ka finalizuar blerjen e mbrojtësit të djathtë Ryan Fredericks i cili vjen me parametra zero nga Fulham që sapo është ngjitur në Premier League.
Fredericks ka qenë një nga lojtarët më të mirë të Fulham në sezonin 2017/18, por klubi nuk arriti të bindte lojtarin për rinovimin e kontratës, duke e lejuar të kalonte te skuadra e trajnerit Manuel Pellegrini.
25-vjeçari ka nënshkruar një kontratë me ekipin e Premier League dhe do t’i bashkohet zyrtarisht më 1 korrik.
“Jam shumë i lumtur që më në fund është arritur marrëveshja,” ishin fjalët e tij.
“Kishte kohë që po punohej për këtë objektiv dhe më në fund ia kemi dalë.
“West Ham është një nga klubet më të mëdhenj të Premier League. Të gjithë e dinë historinë e këtij klubi dhe ka shumë faktorë që më sollën këtu, një ndër ta edhe trajneri Pellegrini.”
New challenge. New league. Same City. #WelcomeFredericks pic.twitter.com/rMKepevxvv
— West Ham United (@WestHamUtd) June 5, 2018
