Messi e mahniti sërish botën e futbollit. Natyrisht, as për herë të parë dhe të fundit, sepse ylli argjentinas i Barcelonës nuk njeh limite. Ashtu sikurse ndodh me verën, edhe “10” bëhet më i mirë me kalimin e viteve.
Pa asnjë diskutim, i pakrahasueshëm me askënd, mund t’ia japin “Topin e Artë” të këtij viti që tani. Një gjeni, jashtëtokësor, që mund të shënojë gola si ai i treti ndaj Liverpool. Adhuruesit e futbollit të bukur i përulen atij, ndoshta edhe rivalët, ndërsa kundërshtarët, sado të paktë të jenë në numër, qendrojnë të strukur.
“Pleshti” publikon mesazhin për Casillas pas triumfit ndaj Liverpoolit në “Camp Nou”.
Postimi i plotë i Messit:
“Të gëzuar me rezultatin sonte. Por ne ende duhet të shkojmë në Anfield, një fushë shumë e vështirë, ku Liverpooli, i cili është një ekip i madh, do të shtyjë shumë. Momenti më i rëndësishëm i sezonit po vjen dhe ne duhet të jemi më afër dhe më afër se kurrë. Së fundi, dua ta shfrytëzoj këtë mundësi për të dërguar një përqafim në @ikercasillas dhe dëshiroj që ai të shërohet shumë shpejt.”
