Trajneri i Manchester Cityt, Pep Guardiola, është zgjedhur trajneri i muajit në Premier League.
Skuadra e tij fitoi 5 ndeshje nga 5 të luajtura muajin e kaluar.
City mposhti Cardiff Cityn, Crystal Palace, Tottenham, Manchester United e Burnleyn në muajin e kaluar, duke realizuar 9 gola dhe duke pësuar vetëm 1.
Guardiola e ka fituar këtë çmim shtatë herë në tri sezone të kaluara në Angli dhe dy herë në tre muajt e fundit.
City ka fituar 13 ndeshje radhazi që nga humbja e fundit që e kishte pësuar nga Newcastle më 29 janar.
Guardiola dhe ekipi i tij shihen si favoritët kryesorë për të fituar titullin, pasi kanë vetëm një ndeshje për të luajtur me Brighton në fundjavë, me këta të fundit që e kanë siguruar qëndrimin në Premierligë.
Ndërkohë, sulmuesi i Leicester Cityt, Jamie Vardy është zgjedhur futbollisti i muajit prill, pasi realizoi 5 gola në 4 ndeshje.
