Jose Mourinho ka analizuar humbjen dramatike në sekondat e fundit të Ajaxit përballë Tottenhamit në Champions League.
Mourinho ka përmendur gabimet që sipas tij i kushtuan shumë Ajaxit.
“Secili ekip ka një filozofi por nuk mund të hyni në një betejë sportive pa strategji”, u shpreh Mourinho në rolin e analistit në “BeinSports”.“Mund të tingëllojë qesharake por Ajax në pjesën e dytë luajti sikurse ishte duke u ndeshur me Vitessen në kampionatin holandez. Kurse, Tottenham luftoi dhe fati ishte me ta duke i shpërblyer në fund”, theksoi ai.
Skuadra holandeze në pjesën e parë ishte në avantazhin e përgjithshëm prej tre golash por Tottenham Hotspur bëri përmbysjen e madhe duke e mposhtur në Amsterdam 3-2.
