Liverpooli nuk ia doli të fitonte titullin kampion në Premier League edhe këtë sezon.
Ishte shumë afër, por në fund triumfoi Manchester City i Pep Guardiolës.
Megjithatë, lojtarët e Liverpoolit janë krenarë për sezonin që po bëjnë.
“Sezoni nuk ka përfunduar ende”, shkruan Mohamed Salah. Futbollisti egjiptian i Liverpoolit, me një postim në rrjetet sociale, ka dashur t’i falënderojë të gjithë, por edhe të bëjë një apel për ndeshjen finale të Championsit.
“Dua të falënderoj shokët e skuadrës, pjesëtarët e stafit teknik dhe tifozët tanë. Dhe këtyre të fundit u them: na e sillni stadiumin ‘Anfield’ në Madrid”, vijon Salah.
Ylli i Liverpoolit shpreson shumë se tifozët do t’i japin mbështetjen e duhur skuadrës së zemrës në finalen e Championsit ndaj Tottenhamit.