Manchester United ka fituar 2-1 ndaj Arsenal, me një gol vendimtar nga Fellaini në kohën shtesë, në ndeshjen e fundit për Arsene Wenger në “Old Trafford”, pas 2 vitesh, dhe siguron matematikisht praninë në Champions për sezonin e ardhshëm.
United kaloi në avantazh me golin e shënuar nga Paul Pogba, kur u mbush çerekore lojë. Goditja e ish-sulmuesit të Arsenal, Alexis Sanchez u përplas në shtyllë, por topi përfundoi te mesfushori francez që tundi rrjetën.
Arsenal, që luante pa disa nga titullarët, e lënë pushim nga Wenger duke menduar për gjysmëfinalen e kthimit në Europa League kundër Atletico Madrid, e kishte mesataren e moshën 24 vjeç e 67 ditë, më e vogla që nga vitit 2011, kur zbriti në fushë me mesataren e moshës 24 vjeç e 65 ditë dhe u mposht 8-2 pikërisht nga “djajtë”.
Henrikh Mkhitaryan shënoi golin e barazimit për Arsenal, në minutën e pestë të pjesës së dytë dhe armeni u bë futbollisti i parë në historinë e Premier League që shënon për dhe kundra Manchester United në harkun e një sezoni.
Pikërisht kur londinezët po shijonin barazimin, pas golit të anuluar të Rashford për pozicion jashtë loje, “djajtë” shënuan golin e fitores me anë të Maurane Fellaini, prej pak minutash në fushën e lojës. Belgu tundi rrjetën në minutën e dytë nga katër shtesë.
Me këtë sukses, të besuarit e Mourinho blindojnë përfundimisht vendin e dytë në Premier League.
GOAL ! Mkhitaryan does brilliantly to score. 1-1 pic.twitter.com/opzVimQrEg
— ArsenalUpdates (@ArsenalEdits___) April 29, 2018
Goal – POGBA
Assist – SANCHEZMan Utd 1-0 Arsenal (16 mins)#FPL#MUNARS pic.twitter.com/FQTnv0ukQN
— MRR Naeem🇵🇰🇵🇰 (@Purekasuri) April 29, 2018
