Tirana dhe Kastrioti luajnë ndoshta sfidën më të rëndësishme të sezonit për të dyja skuadrat, në javën e 34-t të Superiores.
Në një “Selman Stërmasi” pa tifozë, bardheblutë e Memës gjenden dy pikë para Kastriotit, dhe një fitore do i shtynte shumë përpara në sigurimin e mbijetesës. Nga ana tjetër, ekipi i Devollit kërkon vetëm fitoren për të pasur më pas vetë në dorë qëndrimin në elitë.
Duke parë rëndësinë e këtij takimi, FSHF ka caktuar gjyqtarë të huaj, për të shmangur në këtë mënyrë polemikat. Mësohet se kjo përballje i është besuar një treshe nga Maqedonia e Veriut, me kryesor Dimitar Meçkarovski.
16:30 | Tirana-Kastrioti
FORMACIONET
Tirana: Lika, Kërçiku, Turtulli, Imami, Hoxhallari, Maveje, Kobina, Hasani, Oduamadi, Greca, Ngo. Trajner: Ardian Mema
Kastrioti: Çekrezi, Husein, Bojom, Çela, Ndreca, Ymeraj, Shehu, Okegubugu, Bardhi, T. Marku, Roxher. Trajner: Bledar Devolli
