Tirana nuk shkoi më shumë se një barazim 0-0 ndaj Kastriotit, në 90-të minutëshin e cilësuar si finalja e mbijetesës në Kategorinë Superiore.
Një barazim që dhuroi shumë emocione dhe asnjë gol. Kjo nuk e nevrikosi aspak trajnerin e kombëtares shqiptare të futbollit, Edi Reja, i cili ndodhej në shkallët e “Selman Stërmasit” për të mbajtur shënime nga futbollistët e hedhur në fushë.
Me Ervin Bulkun në krah, ndihmës i tij te kuqezinjtë dhe Hamdi Salihin që pritet të marr një rol drejtues në kombëtare, Reja u shfaq i kënaqur në shkallët e stadiumit, duke treguar në një farë mënyre se 90-të minutëshi në fushë ishte i kënaqshëm të paktën për të.
Nuk dihet ende se kush ka përfunduar në listën e dëshirave të Reja, por vëzhgimet në Superiore sapo kanë nisur.