Trajneri i Tiranës, Ardian Mema ka disa dyshime sa i përket futbollistëve që do të hedh në fushë për takimin ndaj të rëndësishëm në transfertë ndaj Laçit.
Bardheblutë kërkojnë medoemos pikë që të qëndrojnë të paktën edhe në sezonin e ardhshëm në elitën e futbollit shqiptar, Por, tekniku kryeqytetas do të ketë disa futbollistë të dëmtuar, si Daja, Karabeci, Halili. Mema nuk ka vendosur se kë do të hedh në fushë për transfertën e zjarrit.
Gjithsesi, paraqitja e Ilion Likës në ndeshjen e fundit ndaj Kastriotit ka rritur pikët e tij te Mema, i cili pritet t’i besojë sërish eksperiencës së tij në katërkëndësh.
Ndeshja me Laçin është shumë e rëndësishme, pasi bardheblutë notojnë në zonat e ftohta të renditjes, ndërkohë që kurbinasit synojnë një biletë për në Kupat e Europës sezonin e ardhshëm.
