Rikthimi te Partizani ktheu edhe titullin kampion tek të kuqtë. Bëhet fjalë për Skënder Gegën, që rikthen titullin pas 26 vitesh mungesë te Partizani. Por kush është titulli që e ka emocionuar më shumë, ai i fituar si futbollist apo si trajner.
“Do përpiqem t’i përmbahem kontratës. Çdo gjë që mund të ndodhi. Në klub gjithçka ka funksionuar siç duhet. Sot duhet të festoj. Është ditë e lumtur për mua. Vetëm klubi është ai që unë mund të merrem vesh. Nuk ka pasur deri tani oferta dhe nuk ka. Ndeshja e fundit në derbi ka qenë gëzimi më i madh. 1987 ka shumë kohë, e mbaj mend si sot. Por si trajner jam lodhur më shumë. I jam mirënjohës çdo njeriu që ka bashkëpunuar me mua, tifozët, etj. Ka qenë emocion i jashtëzakonshëm. Sot doja të fitoja. Doja ta mbyllja me fitore. Për fat të mirë, gjithçka shkoi “fair-play”. I uroj Kukësit dhe çdo ekipi të Superiores një vit të mbarë dhe suksese. Sfida të gjata na presin. Duhet të sillemi më mirë, për të çuar mesazh të qartë që ky sport na lumturon. Të shohim diçka që është investim për brezat tonë.”-përfundoi Gega.
