Skuadra e Arsenalit është e interesuar për të transferuar Mario Götzen.
“Topçinjtë” dëshirojnë ta joshin me një ofertë të majme gjermanin, kartonin e të cilit e zotëron Borussia Dortmund.
E përditshmja gjermane “Der Spiegel” pretendon se Arsenali do të jetë i gatshëm të përmbushë kërkesat e Gotzes duke i ofruar pagë të lartë, ndonëse çdo ofertë zyrtare varet nga finalja e Europa Leagues.
Götze nga ana tjetër ka edhe një vit kontratë me klubin gjerman ndërsa pak kohë më parë drejtuesit e klubit ishin shprehur të gatshëm të rinovonin me 26-vjeçarin.
Por një ofertë e mirë nga ana e Arsenal do t’i bënte drejtuesit e Dortmundit ta mendonin dhe njëherë këtë opsion.
