Menaxheri i Elseid Hysajt, Mario Giufredi, ka folur për mediat italiane lidhur me të ardhmen e shqiptarit, i cili aktualisht është pjesë e Napolit.
“Për tri sezone ka qenë mbrojtësi më i mirë, vitin e fundit të Sarrit më telefonoi Juventusi, por refuzoi sepse kërkonte të luftonte për titull me Napolin”, zbulon agjenti i shkodranit.
“Po, vërtet, vitin e fundit ka pasur një rënie, por nuk është i vetmi. Nuk them që është faji i Ancelotit, por pasojë natyrale e një ndërrimi të lojës. Qëllimi është të gjej një sistemim për Hysajn dhe Mario Ruin. Elseidit pas një viti i skadon kontrata dhe largimi është i detyrueshëm, e shoh si diçka të drejtë ndryshimin e ambientit. Shumë klube nga Spanja dhe Italia kanë kërkuar informacione”, përfundoi tha Giufredi.
