E përditshmja spanjolle “AS” ka publikuar disa fotografi të Neymar Junior në qendrën stërvitore Valdebebas, në stadiumin “Santiago Bernabeu” dhe në dhomat e zhveshjes.
Bëhet fjalë për disa vite më parë kur Neymar ka qenë si fëmijë në prova te “Los Blancos”, i cili më pas ishte kthyer në Santos, para se të kthehej sërish në Europë duke u transferuar bujshëm tek Barcelona.
Në dhomat e zhveshjes Neymar ishte fotografuar te ulëset e Baptistas, Ronaldos, Robinhos e Cicinhos, që të gjithë brazilian.
Shumë media botërore janë duke raportuar se Neymar mund të largohet nga PSG-ja për t’u transferuar te Real Madridi. Ai nuk është i kënaqur në Paris dhe dëshiron të kthehet në La Liga.
Është raportuar gjithashtu se Neymar do të dëshironte edhe rikthimin te Barcelona.
