Skënderbeu dëshiron të mbetet sërish në nivele të larta, dhe për të garantuar këtë nivel kërkohen dhe futbollistë të huaj, jo vetëm shqiptarë. Klubi po punon paralelisht për të ruajtur bërthamën e vyer të ekipit, por drejtuesit teknik do të shqyrtojnë fluksin e të huajëve që do të kryejnë një test me Skënderbeun.
Pranë kampionëve të Shqipërisë ka patur një interesim të madh të lojtarëve brazilianë dhe francezë. Nga ky numër i madh kandidatësh për fanellë bardhekuqe, vetëm 2 apo 3 futbollistë do të fitojnë të drejtën për të qenë lojtarë zyrtarë të ekipit juglindor. Kjo fazë do të mbyllet në datën 5 korrik kur do të publikohen dhe pjesëtarët e rinj të Skënderbeut.
