Mbrëmjen e sotme, do të luhet finalja e madhe e Ligës së Kampionëve dhe rrugët e Madridit janë tejmbushur me tifozë të të dyja skuadrave.
Në mes të tifozëve të Liverpulit, për një moment është shfaqur sozia e Jurgen Klopit. Një burrë i cili i ngjan në mënyrë të pabesueshme trajnerit të Liverpulit, është shfaqur në mes të turmës dhe ka shtangur fansat.
Ata e kanë “mbytur” atë me foto dhe përqafime. E vetmja gjë që e dallonte me Klopin me këtë person ishin tatuazhet në duart e tij.
Pamjet e mëposhtme kanë bërë xhiron në rrjet dhe kanë shtangur fansat duke mos i besuar syve për këtë ngjashmëri.
