Raportohet se Kylian Mbappe ka një kërkesë për Paris Saint-Germain.
Sipas televizionit spanjoll, El Chiringuito TV, Mbappe ka bërë një kërkesë te PSG-ja në mënyrë që të largohet këtë verë, pasi ka bërë me dije se e dëshiron një aventurë të re dhe një përgjegjësi më të madhe.
Gjithashtu raportohet se Real Madridi është i gatshëm që ta transferojë sulmuesin e talentuar, pasi Zinedine Zidane është duke tentuar të bëjë një revolucion në skuadër.
Trajneri i PSG-së, Thomas Tuchle kishte bërë me dije se ai nuk mund të garantonte nëse lojtarët do të qëndrojnë apo do të largohen, pasi nuk është e gjitha në dorën e tij.
“Si trajner, dëshiroj që ata të vazhdojnë të qëndrojnë me ne, por ky është futbolli, nuk mund të tregohemi naiv. Vendimi do të jetë i tëri i tyre nëse duan të qëndrojnë apo jo”., ka thënë trajneri i parisienëve.
Francezi 20-vjeçar i shokoi të gjithë në muajin e kaluar kur tha se e ardhmja e tij mund të jetë diku tjetër, duke vendosur në lëvizje Real Madridin.
