Simone Inzaghi ka rinovuar kontratën me Lazion.
Skuadra nga kryeqyteti italian ka zyrtarizuar nënshkrimin e marrëveshjes deri në qershor të vitit 2021.
“SS Lazio njofton se ka rinovuar dhe zgjeruar kontratën me Simone Inzaghi deri më 30 qershor të vitit 2021”, thuhet në njoftimin e Lazios.
Nënshkrimi i kësaj kontrate hedh poshtë hipotezat e kalimit të Inzaghit te Juventusi apo Milani të cilët janë në kërkim të trajnerit të ri.
Inzaghi është trajner i Lazios që nga viti 2016, ndërsa këtë sezon ka arritur të fitojë Kupën e Italisë.
