Neymar ka thënë se është i trishtuar nga transferimi i pashmangshëm i Lucas Mouras në Tottenham, duke insistuar se bashkëkombësi i tij është përdorur tepër pak dhe nuk duhet të lejohet të largohet nga Paris Saint-Germain.
Lucas do t’i bashkohet klubit nga Premierliga, Tottenhamit – ku do të ribashkohet me ish-bashkëlojtarin nga PSG-ja Serge Aurier – për shkak se mungesës së hapësirës për të luajtur në klubin parisien.
Anësori 25-vjeçar i Brazilit ende nuk e ka nisur asnjë ndeshje për PSG-në këtë sezon, dhe është paraqitur vetëm gjashtë herë nga banka rezervë në të gjitha garat deri më tani.
I pyetur rreth largimit të pashmangshëm të Lucasit nga kryeqyteti francez, Neymar nuk e pranon se miku i tij i ngushtë është trajtuar drejtësisht.
“Jam i trishtuar sepse ai është mik i mirë. Lucas është lojtar cilësor që është përdorur shumë pak. Mendoj që është e padrejtë. Ai është vëllai im në futboll. I uroj gjithë të mirat”, ka thënë Neymar.
