Inter dhe objektivi për të përforcuar repartin sulmues. Zikaltërit, që tani shumë aktivë gjatë kësaj merkato vere me plot pesë blerje të realizuara, vazhdojnë të punojnë me intensitet maksimal, për t’i dhuruar trajnerit Luciano Spalletti një kontigjent kompakt dhe konkurues për sezonin e ardhshëm të Seria A. Pikërisht për këtë motiv, drejtuesit më të lartë zikaltër janë vënë tashmë në kërkim të një goditje të bujshme në sulm, me qëllim mbështetjen e kapitenit Mauro Icardi.
Përveç emrit të nxehtë të Malcom, dhe zërave për një afrim të mundshëm të Alvaro Morata, në momentet e fundit ka lindur edhe një hipotezë e re, ajo e sulmuesit të Marseille, Dimitri Payet. Referuar raportimeve nga “France Football”, tashmë janë vendosur kontaktet e para me menaxherët e futbollistit, që ka një kontratë me ekipin francez deri në vitin 2021.