Ardhja e Maurisio Sarrit te Juventusi i ka qartësuar gjërat në kampin bardhezi. Tekniku italian së bashku me skuadrën do të bëjnë merkaton e verës dhe do ta nisin nga qendra e mbrojtjes me sa duket.
Siç raporton, “Radio Marte”, Juventusi kërkon Kalidu Kulibalinë, qendërmbrojtësin e Napolit. Por De Laurentis ka qenë kategorik, duke kërkuar më shumë se 100 milionë ëureo.
Duke parë që këmbëngulja e “Zonjës” vazhdon, ai tashmë kërkon 250 milionë euro për të. Një shifër padyshim e ekzagjëruar, e cila nuk mund të jepet nga asnjë klub.
De Laurentis është i bindur dhe nuk do të ketë një tjetër largim si ai i Higuanit, largim që çmendi napoletanët.
