Brazili është ndalur në barazim pa gola në ndeshjen e dytë në fazën e grupeve të Kupës së Amerikës.
“Selecaot” dominuan lojën por nuk morën më shumë se një pikë në përballjen ndaj përfaqësueses së Venezuelës.
Richarlison pati rast të mirë në pjesën e parë në të 17-tën minutë, por që nuk arriti të realizojë gol.
Dy minuta pas fillimit të pjesës së dytë, futbollistët e Brazilit kërkuan penalti, por arbitri me ndihmën e VAR-it nuk e tregoi gishtin drejt pikës së bardhë
Gabriel Jesus (’60) dhe Philippe Coutinho (’87) kishin raste të mira në vazhdim të ndeshjes, por portieri i Venezuelës nuk lejoj që të tundet rrjeta e tij.
Pas këtij barazimi, Brazili pozicionohet në vendin e parë në Grupin A me 4 pikë, në të njëjtën kuotë është edhe Peruja e cila renditet në vendin e dytë.
