Ndonëse menaxheri i 19-vjeçarit është Mino Raiola, babai i Moise Kenit ka ditë që ka pushtuar faqet sportive italiane, ku një prononcim i tiji nuk mungoi as dje: “Javën e ardhshme pritet një lajm surprizë mbi të ardhmen e djalit tim. Do të ketë risi të rëndësishme për Moisenë”.
Nëse mbështetemi te deklarata e javës së kaluar e Zhan-Bioru Kenit se Moise do të ishte i lumtur të shkonte tek Interi, nga Anglia nënvizojnë se Juventusi ka gjetur një akord me Evertonin, mbi bazën e 30 milionë eurove.
Kjo shumë është disi e ulët kundrejt pretendimit prej 50 milionësh, por arsyeja lidhet me një klauzolë riblerjeje nga bardhezinjtë, që do të bëhet pjesë e kontratës së Kenit me Evertonin.
