Interi ka zyrtarizuar deri më tani 3 futbollistë, megjithatë pritet që të ketë edhe të tjera afrime ditët në vijim. Zikaltërit po punojnë për të afruar sulmuesin Romelu Lukaku, i cili ka shprehur hapur dëshirën e tij që të punojë me trajnerin Konte.
Megjithatë, pengesë deri më tani është bërë Junajtid pasi nuk e lejon Lukakun të largohet për më pak se 80 milionë euro. Deri më tani, Interi ka ofruar plot 60 milionë por kjo shifër është hedhur poshtë nga “Djajtë e kuq”. zikaltërit synojnë që me shitjen e Ikardit, të përfitojnë mjaftueshëm sa për këtë merkato vere, por argjentinasi është një çështje më vete.
Së bashku me Uandën, kanë kërkuar nga klubi rinovimin e kontratës por Konte nuk e ka në planet e tij. Ikardi duket se nuk ka dëshirë të largohet nga Interi dhe ky refuzim i kërkesës, i ka hapur jo pak probleme Interit pasi është në bisedime me futbollistët dhe i duhet të sigurojë të ardhurat.
